Skip Content
Ko te reo me te waiata te koingo o te ngakau

Kua titia ki te whatumanawa o Ani-Piki Tuari te reo Māori me te waiata.

Nā whai anō kei te whakapeto ngoi a Ani hei kaihaka mō Whāngārā Mai Tawhiti, te kapa whakaihuwaka ki Te Kahu o Te Amorangi Te Matatini 2017.

Ka mutu kei te ngāna ia ki te whakahaere kaipakihi whakatipu i ngā mahi whaakaari reo Māori i te ao, he kaiako reo Māori i Te Wānanga o Aotearoa i te pō. 

“Koirā ngā koingo nui mōku ko te reo e noho piritata ana ki te waiata.”

I  tīmata ai a Ani hei kaiako mō Te Aupikitanga ki te Reo Kairangi ki Māngere i tērā tau, nā wai, nā wai kua kitea e ia te hunga e pīkoko ana ki te Reo Māori.

“E mea ana koe, kua tino kaha kuhu atu ngā tauira hīkaka ki te ako i te reo Māori me te whakapakari i a rātou reo Māori nō reira me mihi ka tika ki Te Wānanga o Aotearoa nā rātou i whakatu he wahi hei whakaako ai i ērā tauira.”

I te marama o Huitanguru i eke anō ai a Whāngārā mai Tawhiti ki te kōtihitihi o te ao kapahaka, ā, i riro i a rātou te tohu whakamaumaharatanga i a Duncan McIntyre hei whakaihuwaka o Te Matatini. Koinei te wā tuarua kua toa a Whāngārā Mai Tawhiti i tēnei whakataetae, i wikitoria tuatahi ai rātou i te tau 2007.  

Ahakoa nō te kapa te hōnore, e ai ki a Ani nō Ngāti Konohi me te haukainga o Whāngārā te hōnore.

“I te ata nei i wānanga tahi mātou me te whakaaro kia kawea atu ō, a tātou kuia, koroua ki runga i te atamira mō te tūpuno ka whakahīhī mai rātou i a mātou.”

“Nā reira ko te mea nui ki a mātou ināianei ka taea e mātou te here atu a Duncan McIntyre ki te kāinga ki Whāngārā ki reira noho ai i raro i te maru o Whitireia.”


 Back to news & events

Published On: March 15, 2017

Article By:



Other Articles

  • 31 July 2025

    Whānau fuelled success at Te Wānanga o Aotearoa

    Nadia MacDonald’s journey through Te Wānanga o Aotearoa’s Diploma in Small Business and Project Management highlights the power of whānau support, Māori values, and practical learning. Discover how she balanced work, study, and parenting to achieve success and uplift her community.

  • 24 July 2025

    Tamariki once were cherished

    Te Wānanga o Aotearoa’s Te Manawahoukura Rangahau Centre releases Taku Waipiataata, Taku Hei Tāwhiri, a powerful report calling for a revival of gentle, respectful Māori parenting. Discover how tūpuna child-rearing practices can transform whānau wellbeing and uplift future generations.

  • 24 July 2025

    Te Wānanga o Aotearoa chief executive Evie O’Brien announced as Te Kura Toroa

    Te Wānanga o Aotearoa celebrates its 40th anniversary by bestowing chief executive Evie O’Brien with the enduring title of Te Kura Toroa. Discover the cultural significance of this new role and its reflection of leadership, kaitiakitanga, and Māori values.

  • 23 July 2025

    Māori musician's reo Māori journey leads to wānanga kaiako role

    Jordyn Rapana, known as Jordyn With A Why, shares her inspiring journey of learning te reo Māori to raise her tamariki in a reo-speaking home. From immersion study to becoming a kaiako at Te Wānanga o Aotearoa, discover how music, whānau, and culture shaped her path.